Dövlət Agentliyi beynəlxalq sertifikata layiq görülüb
29.06.2022 21:30
Fövqəladə Hallar Nazirliyinin (FHN) Sənayedə İşlərin Təhlükəsiz Görülməsi və Dağ-mədən Nəzarəti Dövlət Agentliyi ISO 37001 - "Rüşvətə qarşı idarəetmə sistemi” beynəlxalq sertifikatına layiq görülüb. Bu barədə nazirliyin rəsmi saytı məlumat yayıb.
ISO 37001 standartı Beynəlxalq Standartlaşdırma Təşkilatı (ISO) tərəfindən 2016-cı ildə təsis edilib və rüşvətə qarşı mübarizə sahəsində qlobal səviyyədə qəbul edilmiş yeganə standart hesab edilir.
ISO 37001 standartının tətbiqi Agentliyə fəaliyyəti ilə əlaqəli rüşvət riskinin müəyyən edilməsi, idarə edilməsi, rüşvətlə bağlı korporativ risklərin azalması, rüşvətə qarşı beynəlxalq normalara riayət edilməsi, qabaqcıl təcrübələrin və hüquqi tələblərin tətbiq edilməsi sahəsində üstünlüklər verir. Eyni zamanda, maraqlı tərəflərə qurumun rüşvət hallarının qarşısını almaq üçün müsbət addımlar atdığına dair təminat verir.
Bu standartı əldə etmək üçün işçilərin təlim kursuna cəlb edilmələri və rüşvət əleyhinə idarəetmə sistemini çalışdıqları sahədə tətbiq etmələri, eləcə də Agentlikdə rüşvət əleyhinə idarəetmə sisteminin tətbiqinin qiymətləndirilməsi mərhələləri uğurla başa vurulub. Amerika Birləşmiş Ştatlarının ən böyük qeyri-hökumət akkreditasiya qurumlarından biri olan "ANSI National Accreditation Board” (ANAB) tərəfindən akkreditə olunmuş "Denetik International Certification and Surveillance Services” şirkəti bu işlərin yekunu olaraq, Agentlikdə tətbiq edilmiş rüşvət əleyhinə idarəetmə sisteminin İSO 37001:2016 standartına uyğunluğunu sertifikatla təsdiq edib.
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Cəmiyyət 17:19
Azərbaycanda 7 yaş və daha yuxarı şagirdlər üçün “mygov” platformasında ayrıca fərdi hesabların yaradılması nəzərdə tutulur
Foto
Video
