Bu agentliyə 2868 müraciət daxil olub

2022-ci ilin 6 ayında istehlakçıların hüquqlarının qorunması, abonentlərin elektrik və istilik enerjisi, təbii qazla təchizatı və digər məsələlərlə bağlı Enerji Məsələlərini Tənzimləmə Agentliyinə (AERA) bilavasitə və Energetika Nazirliyindən 2868 müraciət daxil olub. Bu barədə qurumdan məlumat verilib.

Elektrik enerjisi təchizatı ilə bağlı 202-si məlumat xarakterli olmaqla 2339 müraciət edilib. Təbii qaz təchizatı ilə bağlı 44-ü məlumat xarakterli olmaqla 400 müraciət olunub.
İstilik təchizatı ilə bağlı 5-i məlumat xarakterli olmaqla 44 müraciət edilib. Digər məsələlərlə bağlı isə 85 müraciət göndərilib.
2293 müraciət agentlik tərəfindən araşdırılıb və cavablandırılıb (39 müraciət müvafiq qaydada baxılması və tədbir görülməsi üçün aidiyyəti qurumlara göndərilib), 30 müraciət Energetika Nazirliyi ilə müştərək icra olunub. 292 müraciət isə hazırda baxılma prosesindədir.


253 məlumat xarakterli müraciətdən 106-sı qaldırılan problemlərin həlli ilə bağlı təşəkkür məktubu olub.


Enerji Məsələlərini Tənzimləmə Agentliyi (AERA) Azərbaycan Respublikası Prezidentinin 22 dekabr 2017-ci il tarixli, 1750 nömrəli Fərmanı ilə Energetika Nazirliyinin tabeliyində yaradılmış publik hüquqi şəxsdir. Həmin Fərmanın 1-ci bəndinə əsasən, Agentliyin "Azərbaycan Respublikası Energetika Nazirliyinin Dövlət Enerji Nəzarəti İdarəsinin və Dövlət Qaz Nəzarəti İdarəsinin əsasında” yaradıldığını nəzərə alaraq, həmin qurumlar ləğv edilməklə onların aktiv və passivləri Agentliyə ötürülüb. Elektrik və istilik enerjisi, habelə qaz təchizatı sahələri Enerji Məsələlərini Tənzimləmə Agentliyinin əsas fəaliyyət istiqamətləri olaraq müəyyənləşdirilmişdir.

Ləman Qasımova 


www.anews.az