Hansı bölgələrdə Mediasiya Şurası fəalliyyət göstərir?
26.07.2022 13:22
Şəkidə, Qazaxda, Cəbrayılda, Naxçıvan Muxtar Respublikasında, Gəncədə, Lənkəranda mediasiya təşkilatları dövlət qeydiyyatına alınıb və Mediasiya Təşkilatlarının reysterinə daxil edilib. Bu barədə Mediasiya Şuranın İdarə Heyətinun sədri Nadir Adilov "Mediasiya prosesləri zamanı əmək mübahisələrinin uğurlu həllində dövlət orqanlarının və işəgötürənlərin rolu” mövzusunda maarifləndirici ictimai müzakirədə deyib.
www.anews.az
"Bu günədək Bakıda fəaliyyət göstərən 16 Mediasiya Təşkilatımız Ədliyyə Nazirliyinin Qeydiyyat və Notariat Baş İdarəsi tərəfindən dövlət qeydiyyatına alınıb. Həmin ərazilərə yaxın rayonların mediasiyaya müraciəti qeyd edilən təşkilatlar tərəfindən baxılır", - o deyib.
Adilov vurğuladı ki, yaxın zamanda bir çox bölgələrdə belə təşkilatların açılması nəzərdə tutulub.
Mediasiya Şurası "Mediasiya haqqında" Azərbaycan Respublikasının Qanununun 18.1-ci maddəsinə əsasən yaradılan, fəaliyyətini özünüidarəetmə prinsipi üzrə həyata keçirən qeyri-kommersiya hüquqi şəxsdir. Mediasiya Şurası Avropa İttifaqının dəstəyi ilə işçi qrupun fəaliyyəti nəticəsində 12 fevral 2020-ci ildə yaradılıb. İşçi qrup bu məqsədlə Avropa İttifaqı tərəfindən cəlb edilmiş ekspert tərəfindən koordinasiya edilmiş və Azərbaycan Respublikası Prezidentinin Administrasiyası, Azərbaycan Respublikasının Ədliyyə Nazirliyi, Azərbaycan Respublikası Kiçik və Orta Biznesin İnkişafı Agentliyi (KOBİA), Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi, Azərbaycan Respublikasının Vəkillər Kollegiyası, Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının nümayəndələrindən təşkil olunub.
Ləman Qasımova
Ləman Qasımova
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Foto
Video
