Bakıda Türkiyə vətəndaşı təhdid edilib
02.08.2022 10:08
Bakıda Türkiyə vətəndaşına qarşı hədə-qorxu gəlinib.
"Report”un əldə etdiyi məlumata görə, hadisə Səbail rayon ərazisində qeydə alınıb.
Belə ki, hazırda Azərbaycanda yaşayan Türkiyə vətəndaşı Özgür Karataş sosial şəbəkələrdə etdiyi paylaşımlara, yazdığı postlara görə həmyerlisi, eləcə də onun azərbaycanlı dostu tərəfindən təhdid olunaraq təzyiqlərə məruz qalıb.
Müəyyən olunub ki, Ö.Karataşın sosial şəbəkə hesabına həmyerlisi tərəfindən kiberhücumlar edilib, onun icazəsi və məlumatı olmadan hesabındakı videolar tam fərqli formatda və məzmunda ictimaiyyətə təqdim olunub. Bununla bağlı zərərçəkmiş Türkiyədəki aidiyyəti qurumlara şikayət edərək təqsirkarın cəzalandırılmasını istəyib.
Bundan sonra Karataşa həmyerlisinin dostu, Bakı sakini Habil Bəylərov zəng vuraraq hədə-qorxu gəlib, şikayətini geri çəkmayi tapşırıb.
Polis əməkdaşları tərəfindən qısa zamanda Bəylərovun yeri müəyyən edilərək bölməyə dəvət olunub. O, izahatında türkiyəli dostları ilə aralarında anlaşılmazlığın olduğunu, təhqir, habelə təhdid etmədiyini, sadəcə onları barışdırmaq niyyəti olduğunu bildirib.
Tərəflərin razılığı əsasında araşdırılma dayandırılıb və toplanmış materiallar işə alınıb.
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Cəmiyyət 17:19
Azərbaycanda 7 yaş və daha yuxarı şagirdlər üçün “mygov” platformasında ayrıca fərdi hesabların yaradılması nəzərdə tutulur
Foto
Video
