Əl Həbib Azərbaycan hökumətini tənqid edib

London polisi videoyazı əsasında qərargahları Kensinqtonda yerləşən Mehdi nökərləri İttifaqından olan bir neçə şəxsin şəxsiyyətini müəyyən edib və onların bu axşam həbs edildiklərini təsdiqləyib. 

Tvitterdə yer alan bir sıra videoyazılardan onların özlərinə xas mavi bayrağı yellədikləri və ağ boya ilə divara ərəbcə mesajlar yazdıqları bilinir. 

 

Azərbaycan bayrağını öz bayraqları ilə əvəz etməzdən əvvəl üzlərini baş geyimləri ilə örtməyə çalışan bu şəxslər səfirliyin həyətinə aşağıda toplaşan kütləyə mesajlar səsləndiriblər.

Videolardan birində görünürki Kensinqton Kort ərazisi mühasirəyə alınıb, dəbilqə və qalxanlarla silahlanmış polislər binanın içinə girməyə hazırlaşır. 

MailOnline dərgisi hadisə ilə bağlı məlumat almaq üçün  şiə müsəlmanları təşkilatı sayılan Mehdi nökərləri İttifaqının rəhbəri Yasir əl-Həbiblə əlaqə saxlamağa cəhd edib. 

Etirazın nə ilə bitdiyi dərhal bəlli olmayıb, lakin Əl Həbibin qrupu açıq şəkildə Azərbaycan hökumətini müsəlmanlara sıxışdırdığına görə tənqid edib. 

Keçmiş SSRİ ölkəsi olmuş Azərbaycan dünyada əhalisinin çox hissəsi müsəlman olan dünyavi ölkə kimi tanınır. Azərbaycan hökuməti fəal şəkildə qadınları çadra gəzdirməkdən çəkindirməyə çalışır. 

Met Police sözçüsü MailOnline-a bildirib ki, "Azərbaycanın Kensinqtonda yerləşən  səfirliyindən polisə  cümə axşamı təxminən saat 16.30-da məlumat daxil olub. Polisə etirazçıların binaya daxil olduğunu bildiriblər. 

 

"Polis əməkdaşları hadisə yerində olub və hadisə törədənlərə qarşı tədbir görüblər. Səkkiz nəfər qanunsuz binaya daxil olmaqda və zərər yetirmədə şübhəli bilinərək saxlanılıb".

Hüquq mühafizə orqanları  xəsarət alanlar barədə məlumatın olmadığını və 'araşdırmanın davam etdiyini bildirir". 

 

43 yaşlı Əl Həbibin adı  iyunda  onun "Cənnətin xanımı" filminin nümayişi müsəlman icmasının etirazlarından sonra Böyük Britaniyanın iki kinoteatr şəbəkəsi tərəfindən ləğv edildikdən sonra qəzetlərin sərkövhələrində görünməyə başlayıb.