Pərviz Həşimli aclığı dayandırdı

Bakı Ağır Cinayətlər Məhkəməsində “Bizim yol” qəzetinin həbsdə olan əməkdaşı Pərviz Həşimlinin və onunla birgə həbs edilən Təvəkkül Qurbanovun cinayət işi üzrə məhkəmə prosesi davam etdirilib.Vəkil Bəhruz Bayramovun APA-ya verdiyi məlumata görə, prosesdə hal şahidi Zaur Abdullayev ifadə verib. Daha sonra P. Həşimli çıxış edərək 2 gün aclıq aksiyası keçirdiyini, lakin təcridxana rəhbərliyi onu qəbul edib tələblərini dinlədikdən sonra aclıq aksiyanı dayandırdığını deyib. P. Həşimli ailəsi ilə görüşmək üçün ona söz verildiyini açıqlayıb. Proses aprelin 24-də davam etdiriləcək. Qeyd edək ki, P. Həşimli ötən il sentyabrın 17-də Milli Təhlükəsizlik Nazirliyinin (MTN) əməkdaşları tərəfindən həbs edilib. O, Cinayət Məcəlləsinin 206.3.2-ci (qaçaqmalçılıq) və 228.2.1-ci (qanunsuz olaraq odlu silah əldə etmə, saxlama) maddələri ilə ittiham olunur. Onun barəsində Səbail Rayon Məhkəməsi tərəfindən həbs-qətimkan tədbiri seçilib. ANNET.Az