FHN-də intim videolar çəkərək yayan Zaur Mirzəyev həbs edildi

Fövqəladə Hallar Nazirliyinin bir neçə əməkdaşının intim xarakterli video və fotolarının yayılmasında şübhəli bilinən Fövqəladə Hallar Nazirliyinin Dövlət Yanğından Mühafizə Xidməti rəisinin köməkçisi, daxili xidmət polkovniki Zaur Mirzəyev həbs edilib.

 

Bu barədə Baş Prokurorluqdan məlumat verilib.

 

Bildirilib ki, Baş Prokurorluğun İstintaq idarəsində ibtidai istintaqı aparılan cinayət işi üzrə Zaur Mirzəyev Cinayət Məcəlləsinin müvafiq maddələri ilə təqsirləndirilən şəxs qismində cəlb olunmaqla barəsində məhkəmənin qərarı ilə həbs qətimkan tədbiri seçilib.

 

Zaur Mirzəyevə Baş Prokurorluq tərəfindən Cinayət Məcəlləsinin 156.2.1 (şəxsi həyatın toxunulmazlığını pozma), 242 (pornoqrafik materialları və ya əşyaları qanunsuz yayma) və 309.2-ci (vəzifə səlahiyyətlərini aşma) maddələri ilə cinayət işi başlamışdı və o avqustun 17-də şübhəli şəxs qismində saxlanılıb. 

Bir neçə gün əvvəl FHN-in Dövlət Yanğından Mühafizə Xidmətinin rəisinin köməkçisi, polkovnik Zaur Mirzəyevin xidməti otağında nazirliyin qadın əməkdaşları ilə birgə intim görüntüləri yayılıb. Görüntüləri Mirzəyevin özünün lentə aldığını əks etdirən videolar da yayılıb.

 

Gülnar Nazimqızı