Bəxtiyar Hacıyevin saxlanıldığı iddia edilir - AÇIQLAMA - YENİLƏNİB
22.08.2022 15:34
Bəxtiyar Əliyevin kim tərəfindən saxlanılması və haraya aparılması barədə hələ də məlumat yoxdur.
Məsələ ilə bağlı Daxili İşlər Nazirliyindən məlumat almaq mümkün olmayıb.
Onun saxlanılması ilə bağlı xəbərlər yayıldıqdan bir müddət sonra Bəxtiyar Hacıyevin feysbuk səhifəsindən bəzi məlumatlar, o cümlədən yarıda dayandırılan canlı yayım da silinib. Aşağıda paylaşdığımız video da silindiyi üçün görünməyə bilər.
*********
İctimai fəal Bəxtiyar Hacıyevin saxlanıldığı iddia edilir, bununla bağlı "Müdafiə xətti” hüquq-müdafiə təşkilatının həmtəsisçisi Zaur Əkbər məlumat yayıb.
"İctimai fəal Bəxtiyar Hacıyev bir neçə dəqiqə əvvəl saxlanılıb. Onun hara aparıldığı məlum deyil", - o, bildirib.
Bəxtiyar Hacıyev öz feysbuk səhifəsində canlı yayım açmaq istəyib, lakin naməlum şəxslər tərəfindən bunun qarşısı alınıb. Belə ki, canlı yayım açılan zaman, görüntü itib və yayım Bəxtiyar Hacıyevin "Burax, deyirəm" sözləri ilə sona çatıb.
Daxili İşlər Nazirliyinin mətbuat xidməti məsələyə şərh bildirmədi.
Ləman Qasımova
www.anews.az
Twitter
Bizi Twitterdə izləyin
Foto
Video
