Təhsil üçün ianələrin edilməsi mümkün olacaq

Azərbaycanda yeni yaradılan Təhsilin İnkişaf Fondunun gəlirləri büdcədənkənar vəsaitlər, ianələr, qrantlar və cəlb edilən investisiyalar hesabına olacaq. Bunu Təhsil nazirinin müavini, Təhsil inkişaf Fondunun sədri Elnur Nəsibov "Media və təhsil dialoqu" mövzusunda keçirilən tədbirində deyib.

O bildirib ki, fondun məqsədi təhsil sisteminin inkişafına yönəlmiş layihələrə dəstək, məktəblərdə texniki bazaların dəstək verilməsi, nazirliyin işçilərinin sosial müdafisəinin gücləndirməsinə və maddi təminatını yaxşılaşdırmaq məqsədilə  yaradılıb.

"Təhsil İnkişaf Fondunun gələcəkdə xaricdə azərbaycanlı və xarici alim, professorların Azərbaycana dəvət olunması da nəzərdə tutulub. İanələr 3 formada icra oluna bilər. Ümumi hər hansı konkret layihə üzrə və məktəb üzrə ianələr. İanə edənlərə sertfikasiyaların verilməsi nəzərdə tutulub'',- fondun sədri əlavə edib.


www.anews.az