Miqrasiya tələblərinin pozulmasına görə neçə qərar qəbul edilib?
12.09.2022 14:41
2022-ci ilin avqustunda Dövlət Miqrasiya Xidmətinə əcnəbilər və vətəndaşlığı olmayan şəxslər tərəfindən 11 037 müraciət daxil olub. Müraciətlər müvəqqəti olma müddətinin uzadılması, müvəqqəti və daimi yaşamaq üçün icazələrin alınması, vətəndaşlığa qəbul, bərpa, vətəndaşlıqdan çıxma, eləcə də vətəndaşlıq mənsubiyyətinin və qaçqın statusunun müəyyənləşdirilməsi, həmçinin əmək fəaliyyətinin həyata keçirilməsi üçün iş icazəsinin alınması və müddətinin uzadılması ilə bağlı olub. Bu barədə Dövlət Miqrasiya Xidmətindən xəbər verilib.
Müvafiq dövr ərzində olduğu yer üzrə qeydiyyatla bağlı 40 092 əcnəbi və vətəndaşlığı olmayan şəxsin müraciəti qeydə alınıb.
Bundan başqa, Azərbaycan Respublikasında miqrasiya sahəsində, o cümlədən inzibati qanunvericiliyin tələblərinin pozulması ilə bağlı Dövlət Miqrasiya Xidməti tərəfindən 2726 qərar qəbul edilib.
2022-ci ilin avqustu ərzində DMX-nin "Çağrı mərkəzi”-nə 10025 zəng daxil olub. 2022-ci ilin avqustu ərzində olduğu yer üzrə qeydiyyat, müvəqqəti olma müddətinin uzadılması, müvəqqəti yaşamaq üçün icazə, daimi yaşamaq üçün icazə, iş icazəsinin alınması və uzadılması ilə bağlı daxil olan elektron müraciətlərin sayı 14116 olub.
Ləman
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
