Qazi özünü yandırıb

"Qazi Elnur Rüstəmov Yanıq şöbəsinə daxil olub, burdadır, lakin vəziyyəti barədə məlumatımız hələ ki yoxdur", - poliklinikadan bildirilib. 

 

Gənc Qazilər İctimai Birliyinin sədri Hacı Vəliyev bu barədə ilkin məlumatı yayıb.

"Qazi Rüstəmov Elnur Xəzər rayon Buzovna kənd bələdiyyəsinin özbaşınalığına etiraz olaraq özünü yandırıb. O, bələdiyyə başçısına özünü yandırması barədə xəbərdarlıq etsə də, buna mahal qoyulmayıb. Bələdiyyə başçısı  "get neynirsən elə"  deyib. O da benzin tökərək özünü inzibati binanın önündə yandırıb. Hazırda 5 nömrəli şəhər poliklinikasının Yanıq şöbəsində onun yanındayam, 65-70%-i yanıb, xüsusilə, tənəffüs orqanları zədələnib", - o bildirib.

 

İddialara görə, İkinci Qarabağ müharibəsindən sonra bugünədək özünə qəsd edən qazilərin sayı 40-a çatıb. Onların özünəqəsd səbəbləri əsasən sosial problemlərlə bağlıdır.