Elçin Sadıqov ev dustaqlığına buraxılıb

Rüşvət almada iştirakçılıq ittihamı ilə həbs edilən tanınmış vəkil Elçin Sadıqov ev dustaqlığına buraxılıb. Hakim Zəki Babayevin sədrliyi ilə keçirilən iclasda şikayət qismən təmin edilib.

Məhkəmə Elçin Sadıqovun həbsdə qalması üçün əsaslar olmadığı qənaətinə gələrək onun ev dustaqlığı şərti ilə azadlığa buraxılmasına qərar verib.

Şikayət cinayət işinə xitam verilməsi ilə bağlı hissədə təmin olunmayıb.

 Sentyabrın 10-da Baş Prokurorluq tərəfindən saxlanılan Elçin Sadıqov barəsində Cinayət Məcəlləsinin 32.5, 311.3.3-cü (külli miqdarda rüşvət almaqda köməkçilik) maddəsi ilə cinayət işi başlanıb.

Binəqədi Rayon Məhkəmənin qərarı ilə 4 aylıq həbs qətimkan tədbiri seçilib. O, Dövlət Təhlükəsizliyi Xidmətinin istintaq təcridxanasında saxlanılır.

Elçin Sadıqov vəkili olduğu iş adamı Rasim Məmmədovun ailəsindən 20 min manat rüşvət alınaraq jurnalist Əvəz Zeynallıya verilməsində vasitəçilik etməkdə ittiham olunur.

 

Sadiq Cavadov