Avropada təhsil alan 20 tələbəyə xüsusi təqaüd veriləcək

Avropada  təhsil alan 20  tələbəyə xüsusi təqaüd veriləcək.  Bunu Avropa İttifaqının  Azərbaycandakı səfiri Peter Mixalko Gənc Avropa səfirləri ilə  görüşü zamanı deyib. 
 
"Avropa İttifaqı və  Azərbaycan arasında təhsil sahəsində rekorda imza atmışıq. Avropa İttifaqı Azərbaycanda gənclər üçün çoxsaylı imkanlar  yaradır. Pandemiyadan sonra biz artq təhsildə canlanma müşahidə edirik. Azərbaycandan olan tələbələr həmçinin professr və müəllim heyəti "Erasmus plus” proqramı çərçivəsində təhsil mübadiləsi  təşəbbüslərinə qatılırlar. Avropaya  təhsil üçün üz tutan şəxslərin sayı artıb. Nəinki  azərbaycanlı tələbələr həmçinin professr müəllim heyətinin üzvləri Avropaya, həmçinin avropalılar Azərbaycana gəlir”, - səfir bildirib.

 

Təxminən 3500 gənc azərbaycanlı tələbə, həmçinin professor müəllim heyəti "Erasmus plus”  proqramı çərçivəsində 2014-2019-cu il  mübadilə proqramlarından yararlanıb. Keçən 8 il ərzində təxminən 500 təhsil ocağı, o cümlədən məktəb  təhsil sahəsində kreditlərin mobilliyi üzrə   beynəlxaq təşəbbüsümüzdən istifadə edib. Peşəkar fəaliyyətin inkişafı naminə 664 məktəb bu  layihədə iştirak edib.
 
Azərbaycanın 10 bölgəsində yaşıyan 50 kənd  icmasında məktəbəqədər təhsil  xidmətlərinə uşaqların  cəlb edilməsi nəticəsində  yaşı 3-5 arası  olan  1000 uşaq bu təşəbbüsə qatılıb.