Azərbaycanda orta aylıq əmək haqqı 2 manat 30 qəpik azaldı – Rəsmi

Bu ilin yanvar-avqustunda ölkə iqtisadiyyatında muzdla çalışan işçilərin orta aylıq nominal əməkhaqqı 829 manat olub. Açıqlanan rəsmi məlumatlarda bildirilir ki, orta aylıq nominal əməkhaqqı əvvəlki dövr ilə (yanvar-iyul) müqayisədə 2 manat 30 qəpik azalıb. Belə ki, bu ilin yanvar-iyul aylarında ölkə iqtisadiyyatında muzdla çalışan işçilərin orta aylıq nominal əməkhaqqı 831 manat 30 qəpik olub.

Açıqlanan məlumatda qeyd olunur ki, iqtisadiyyatın mədənçıxarma sənayesi, maliyyə və sığorta fəaliyyəti, peşə, elmi və texniki fəaliyyət, informasiya və rabitə, eləcə də nəqliyyat və anbar təsərrüfatı sahələrində orta aylıq nominal əməkhaqqı daha yüksək olub.

Bu ilin əvvəlindən ötən dövr ərzində ölkədə orta aylıq nominal əməkhaqqı aşağıdakı kimi olub:

Yanvar – 765,9 manat

Yanvar-Fevral – 768,3 manat

Yanvar-Mart – 809 manat

Yanvar-Aprel – 824,7 manat

Yanvar-May – 825,3 manat

Yanvar-İyun – 827,1 manat

Yanvar-İyul – 831,3 manat

Yanvar-Avqust – 829 manat