Məktəbdə uşaqlara zorla iynə vurulub, dərman içirdilib - İDDİA - VİDEO
20.10.2022 13:50
Abşeron rayonu, "Stansiya Sumqayıt”, yeni yaşayış massivi ərazisində yerləşən Mirağa Əliyev adına Hal kənd tam orta məktəbinin 3-cü sinfində təhsil alan iki şagird həmin məktəbin Zəhra adlı müəllimi tərəfindən zorakılığa məruz qalmaları barəsində iddialar səsləndirilib. Bu barədə News24.az-a həmin məktəblilər və valideyn müsahibə verərkən bildirib.
Onlar sayta açıqlamalarında təhsil aldıqları məktəbdə Zəhra adlı müəllimənin şagirdlərə müxtəlif həblər verdiyini, gözlərinə dərman tökdüyünü, onlardan qan aldığını bildiriblər. Bununla bağlı məktəbin direktoruna məlumat verdikdə isə o, bunun təxribat olduğunu deyib və valideynləri təhqir edib.
Şagirdlər bildirib ki, müəllim onların əllərini bağlayıb, zorla iynə vurub, dərman içirib. Valideynlərinə bu haqda danışmasın deyə onları bıçaqla hədələyib.
Valideynlər qeyd edir ki, övladları məktəbəqədər hazırlıq dövründən həmin məktəbdə təhsil alıb və həmişə müəllimlərdən razı olublar. İddia etdikləri hadisə isə bu tədris ilindən başlayıb.
Valideynlər qeyd edir ki, övladları məktəbəqədər hazırlıq dövründən həmin məktəbdə təhsil alıb və həmişə müəllimlərdən razı olublar. İddia etdikləri hadisə isə bu tədris ilindən başlayıb.
Məsələ ilə bağlı News24.az saytı Daxili İşlər Nazirliyinə sorğu ünvanlayıb. Sorğuya cavab olaraq qurumun rəsmisi Elşad Hacıyev bildirib ki, iddia ilə bağlı araşdırma aparılır və onun nəticələri barədə əlavə məlumat veriləcək.
Elm və Təhsil Nazirliyi hələlik məsələyə münasibət bildirməyib.
Süjeti təqdim edirik:
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
