Prezident nazir müavinini işdən çıxartdı - SƏRƏNCAM
03.11.2022 15:20
Azərbaycan Respublikasının Prezidenti İlham Əliyevin sərəncamı ilə Azərbaycan mədəniyyət nazirinin birinci müavini Elnur Əliyev tutluğu vəzifədən azad edilib. Bu barədə prezidet.az saytı xəbər verir.
Bu Sərəncam imzalandığı gündən qüvvəyə minir. Elnur Əliyev bu vəzifəyə 2021-ci ilin sentyabrında təyin olunub.
2022-ci il noyabrın 1-də Dövlət Təhlükəsizliyi Xidməti əməkdaşlarının Mədəniyyət Nazirliyində keçirdiyi əməliyyat zamanı Elnur Əliyev həbs edilib. Güc qurumundan olan mənbələrin verdiyi məlumata görə, onun həbsinin səbəbi korrupsiya hallarına yol verməsidir. Nazirin birinci müavini ilə bərabər nazirliyin Təchizat və Əmlak şöbəsinin müdiri İlkin Nəsibov və Protokol Şöbəsinin rəisi Kamil Rzayev saxlanılıblar.
Elnur Əli oğlu Əliyev 1979-cu ildə Bakıda anadan olub. Azərbaycan Dövlət İqtisad Universitetində bakalavr (1999-cu il) və magistr (2001-ci il) dərəcələrini əldə edib. 2009-2013-ci illərdə Böyük Britaniyanın Mançester Biznes Məktəbinin Maliyyə üzrə Biznes İdarəedilməsi (MBA) proqramını bitirib.
Elnur Əliyev 2000-2004-cü illərdə Xarici İşlər Nazirliyində çalışıb, bir sıra regional əməkdaşlıq qruplarına rəhbərlik edib.
004-2008-ci illərdə Azərbaycanın Belçika Krallığındakı səfirliyində işləyib.
2008-2017-ci illərdə İslam İnkişaf Bankında müxtəlif vəzifələrdə çalışıb.
2017-2020-ci illərdə Azərbaycan Respublikasının Birləşmiş Ərəb Əmirliklərindəki (BƏƏ) Səfirliyində ticarət nümayəndəsi işləyib.
2020-ci ildə Azərbaycan Respublikası mədəniyyət nazirinin müşaviri vəzifəsinə təyin edilib.
2021-ci ildə mədəniyyət nazirinin birinci müavini vəzifəsində çalışıb.
Evlidir, üç övladı var.
N.Təbrizli
www.anews.az
Twitter
Bizi Twitterdə izləyin
Foto
Video
