Mübariz Mənsimovun anası - Adıma olan gəmi şəhidlərin adına verilsin
05.11.2022 10:05
İş adamı Mübariz Mənsimovun anası onun adına verilən gəminin şəhidlərin adına verilməsini istəyib. Bu barədə Mübariz Mənsimovun səhifəsində paylaşım edilib.
"Mənim anam 9 uşaq böyütmüş atamın halal çörəyini yeyən, gecəsini gündüzünə qatan bir azərbaycanlı xanımıdır. Məni yanına cağırıb "bir xahişim var" dedi. "Gəmilərə şəhidlərin adını qoyandan telefonu susmur. Qohum qardaş, tanımadığın insanlar, hərə bir xahiş edir: oğlumuzun adına gəmi verin". Və anam da belə bir xahiş etdi. "Mənim adımı daşıyan gəminin adını Qarabağ şəhidləri qoy. Bütün şəhidlərin adına həsr et". Mən də anamın xahişini yerə salmayıb, anamın adını daşıyan "Zümrüd Ana" gəmisinin adını dəyişib, 1992-1994 və 2020-c il şəhidlərinin adlarına ithaf edirəm. Gəmimiz "Qarabağ Şəhidləri" adını daşıyacaq və gəmidəki muzeydə bütün şəhidlərimizi şəkilləri yer alacaq. Allah bütün şəhidlərimizə rəhmət eləsin. Anamın bu xahişini bütün şəhid analarına, atalarına çatdırmaq istədim. Az da olsa, ürəyinizə su səpə bildiksə, nə mutlu bizə", - Mənsimov yazıb.
Mübariz Mənsimovun rəhbər olduğu "Palmali" Holding bu yaxınlarda şirkətə daha 6 gəmi alacağını açıqlayıb. Gəmi Vətən Müharibəsində şəhid olan qəhrəmanların adını daşıyacaq.
Gülnar Nazimqızı
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
