İşlə təmin olunan şəhid ailəsi üzvlərinin sayı açıqlandı - VİDEO
25.11.2022 16:03
Şəhid ailəsi, qazi, müharibə veteranı kateqoriyasından olan 9 min vətəndaşa Əmək və Əhalinin Sosial Müdafiəsi Nazirliyi tərəfindən özünü məşğulluq aktivləri təqdim olunub. Bunu Əmək və Əhalinin Sosial Müdafiəsi naziri Sahil Babayev bildirib.
"Şəhid ailəsi, qazi və müharibə veteranlarının soasial təminatına xüsusi diqqət yetirilir. Bu kateqoriyadan olan 9 min adama özünüməşğulluq aktivi verilib. Növbəti illərdə də bu işi davam etdirmək niyyətindəyik", - Babayev Milli Məclisin plenar icasında 2023-cü il üçün Dövlət Büdcəsi qanun layihəsinin ikinci oxunuşda müzakirəsi zamanı söyləyib.
Onun sözlərinə görə, şəhid ailəsi, qazi və müharibə veteranı kateqoriyasından olan 16 mindən çox ailə üzvü işlə təmin olunub.
2020-ci ilin sentyabrına təsadüf edən İkinci Qarabağ müharibəsində 2900 nəfər şəhid olub. 2013-cü ilə qədər olan statistikaya görə isə Azərbaycanda şəhid statusu alanların sayı 13 min 560 nəfər təşkil edib.
Gülnar Nazimqızı
www.anews.az
Twitter
Bizi Twitterdə izləyin
Foto
Video
