Bəxtiyar Hacıyevə 50 gün həbs cəzası verilib - YENİLƏNİB

 

Hacıyev Cinayət Məcəlləsinin 221-ci (xuliqanlıq) və 289-cu (məhkəməyə hörmətsizlik) maddələri ilə təqsirli bilinib. Həmin maddələr ilə o, pul cəriməsi və ya  3 ilədək azadlıqdan məhrum edilə bilər.

Vəkil bildirib ki, Hacıyev məhkəmədə çıxışında irəli sürülən ittihamları qəbul etməyib, siyasi fəaliyyətinə, o cümlədən beynəlxalq forumlarda səsləndirdiyi tənqidi  fikirlərinə görə  təqib olunduğunu bildirib.

Müdafiə tərəfi həmçinin qeyd edib ki, məhkəmə qərarı ilə razı deyil və həbs qətiimkan tədbiri barədə qərardan apellyasiya şikayəti vermək niyyətindədir. 

 

Hacıyev jurnalist Ülviyyə Alovlunun şikayəti ilə xuliqanlıqda ittiham olunur. Hacıyev və Alovlu  bir-birini böhtanda ittiham edirdilər.

Məhkəmə proseslərindən birində onlar arasında sözlü atışma başlayıb və davaya çevrilib. Bundan sonra Hacıyevə qarşı cinayət təhqiqatı başlayıb.

Bəxtiyar Hacıyev hakimiyyətin kəskin tənqidçisi kimi tanınıb.  O, bir neçə dəfə saxlanılıb və şiddətə məruz qaldığını bildirib.

Bu ilin avqustunda Hacıyev  hüquqlarının pozulması ilə əlaqədar Azərbaycan vətəndaşlığından imtina etməsi haqqında Prezident Administrasiyasına ərizə ilə müraciət edib.

Alovlu ilə Hacızadə arasında münaqişə onların pişiklərinin balalarını bölüşə bilmədikləri üçün baş verən mübahisədən sonra başlayıb. Məişət mübahisəsi qarşılıqlı ittihamlara keçib və məhkəmə təhqiqatı başlayıb.

Bəxtiyar Hacıyev hakimiyyətin tənqidə görə ondan qisas almaq üçün bu faktdan istifadə etdiyini bildirib.

DİN-dən Hacıyevin Bakı Şəhər baş Polis İdarəsində CM-in 221 (xuliqanlıq) və 289-cu (məhkəməyə hörmətsizlik) maddələri ilə başlamış cinayət işi ilə əlaqədar saxlanıldığını təsdiq ediblər.

 

 

Bəxtiyar Hacıyev bu gün Bakı Şəhər Baş Polis İdarəsi tərəfindən saxlanılıb. Onun barəsindəki cinayət işinin jurnalist Ülviyyə Alovlu ilə münaqişəsinə görə olduğu bildirilir.

 

 

___________

 

İctimai fəal Bəxtiyar Hacıyev saxlanılıb. Bu barədə vəkil Aqil Layıc facebook hesabında paylaşım edib.

Onun sözlərinə görə , Bəxtiyar Hacıyev Bakı Şəhər Baş Polis İdarəsi tərəfindən cinayət məsuliyyətinə cəlb edilib.

 

"Hazırda barəsində həbs qətimkan tədbirinin seçilməsi üçün Xətai Rayon Məhkəməsinə aparılır",- vəkil vurğulayıb.

Hazırda onun saxlanılmasının səbəbi dəqiqləşdirilir.