ABŞ Azərbaycanı Bəxtiyar Hacıyevi “tezliklə” azad etməyə çağırır

 

İctimai fəal Bəxtiyar Hacıyev cümə günü saxlanılıb və onun barəsində 50 sutka həbs qətimkan tədbiri seçilib və  Cinayət Məcəlləsinin 221-ci (xuliqanlıq) və 289-cu (məhkəməyə hörmətsizlik) maddələri ilə təqsirli bilinib. Həmin maddələr ilə o, pul cəriməsi və ya  3 ilədək azadlıqdan məhrum edilə bilər.

 

Vəkil bildirib ki, Hacıyev məhkəmədə çıxışında irəli sürülən ittihamları qəbul etməyib, siyasi fəaliyyətinə, o cümlədən beynəlxalq forumlarda səsləndirdiyi tənqidi  fikirlərinə görə  təqib olunduğunu bildirib.

Müdafiə tərəfi həmçinin qeyd edib ki, məhkəmə qərarı ilə razı deyil və həbs qətiimkan tədbiri barədə qərardan apellyasiya şikayəti vermək niyyətindədir. 
 
Hacıyev jurnalist Ülviyyə Alovlunun şikayəti ilə xuliqanlıqda ittiham olunur. Hacıyev və Alovlu  bir-birini böhtanda ittiham edirdilər.

Məhkəmə proseslərindən birində onlar arasında sözlü atışma başlayıb və davaya çevrilib. Bundan sonra Hacıyevə qarşı cinayət təhqiqatı başlayıb.