Vasif Talıbovun səhhəti pisləşib- İDDİA

Naxçıvan Ali Məclisinin keçmiş sədri Vasif Talıbovun səhhətinin gecə saatlarında qəfil pisləşdiyi bildirilir. Bu haqda "Gündəlik Naxçıvan"a Naxçıvan Diaqnostika Mərkəzindəki mənbələr məlumat verib.
 
Məlumata görə, mərkəzdən onun evinə təcili həkimlər göndərilib. Bundan bir neçə saat sonra, səhərə yaxın isə, onun oğlu Seymurun vəziyyəti kəskin ağırlaşıb. Həkimlərin müayinəsindən sonra, Seymur Talıbovun kiçik infarkt keçirdiyi müəyyən olunub.
 
"Bu gün səhər həkimlər Vasif müəllimi evində müayinə etdilər. Təzyiqi qalxıb, vəziyyəti ağırlaşmışdı. Vəzifədən çıxmağı  təsir edib. O, həm də iki ildir ki, ağız xərçəngi xəstəliyindən əziyyət çəkir. Xəstəliyə görə, ağzındakı dişləri də tökülmüşdü, buna görə protez taxır. Bir neçə saat sonra dedilər ki, Seymur Talıbovun da vəziyyəti pisləşib. O da hazırda ev şəraitində müalicə alır. Həkimlər ona infarkt dioqnozu qoyublar".
 
Vasif Talıbov dekbarın 21-də Naxçıvan Muxtar Respublikasının Ali Məclisindən istefa verib.
 
Vasif Talıbovun oğlu Naxçıvan Muxtar Respublikası Ali Məclisinin sədri Seymur Talıbov Naxçıvan Dövlət Universitetinin (NDU) prorektoru vəzifəsindən azad edilib.
  
Muxtar respublikada iki yerli qurumun ləğvi Azərbaycan Dövlət Təhlükəsizlik Xidmətinin (DTX) Naxçıvanda əməliyyat aparması və bir neçə yüksək vəzifəli məmurun milyonlarla manat dəyərində mənimsəmədə ittiham edilməsi və həbs olunması ilə bağlı ölkə mediasında xəbərlərin yayılması ilə eyni vaxtda baş verib.

Ölkə mətbuatı Bakının Səbail rayon məhkəməsində Naxçıvan Muxtar Respublikasının maliyyə naziri Rəfael Əliyevin və Naxçıvan Gömrük Komitəsinin şöbə rəisi Mənsur Əsgərovun 4 ay müddətinə həbs edildiyini yazıb. Hər ikisi külli miqdarda mənimsəmədə təqsirli bilinir.

 
 

www.anews.az