Netanyahu yenidən İsrailin Baş naziri oldu

İsrail parlamenti "Likud” partiyasının lideri Benyamin Netanyahunun təqdim etdiyi hökumətə etimadın lehinə çıxış edib.Bu barədə Tacc agentliyi məlumat verib.

Netanyahu artıq İsrailin yeni baş naziri kimi and içib. Yeni Netanyahu hökumətində 31 nazir və 5 nazir müavini var. Hökumət koalisiyasına, Likud partiyasından əlavə, ultra-pravoslav blokları olan Şas və Birləşmiş Tövrat Yəhudiliyi, həmçinin Dini Sionizm, Otzma Yehudit (Yəhudi Gücü) və Noam ultrasağ siyasi partiyaları daxil idi. Koalisiya Knessetdəki 120 yerdən 64-nə nəzarət edir.

Qeyd edilir ki, bu, Netanyahunun siyasi karyerasında altıncı, İsrailin isə 37-ci hökumətidir. Netanyahu bundan əvvəl 1996-1999 və 2009-2021-ci illərdə baş nazir olub. Agentliyin İsrail mətbuatına istinadən verdiyi məlumata görə, cümə axşamı günü Qüdsdə Knesset binası yaxınlığında İsrailin yeni hökumətinin əleyhdarları etiraz aksiyası keçiriblər. Mitinqdə minə yaxın insanın iştirak etdiyi bildirilir. Etirazçılar arasında müxalifət partiyalarından olan Knesset deputatları da görünüb. Etirazçılar - solçu və mərkəzçi siyasi qüvvələrin tərəfdarları irqçilik və korrupsiyaya qarşı şüarlar səsləndirir, sülhə çağırır və "qaranlığa son qoymağa" söz verirlər. Bəzi etirazçıların fikrincə, Netanyahu və onun koalisiya tərəfdaşı, ifrat sağçı Yəhudi Güc Partiyasının lideri İtamar Ben-Qvir İsraildə "demokratiyanı məhv edir”. İsrailin Fransadakı səfiri Yael Herman da ölkədə Benyamin Netanyahunun başçılıq etdiyi yeni hökumətin qurulması ilə əlaqədar istefa qərarını açıqlayıb. Diplomat yeni hakim koalisiyaya daxil olan ultrasağ və ortodoks dini partiyaların nümayəndələrinin siyasi baxışları ilə razılaşmadığını bildirib.

 

Gülnar