Hərbi hüququm təmin olunmur- ŞİKAYƏT - RƏSMİ AÇIQLAMA
30.01.2023 14:17
Qamət İsmayılov Birinci Qarabağ müharibəsi zamanında könüllü iştirakçılardan biri kimi döyüşlərdə iştirak edib yaralansa da, xidmətləri ilə bağlı bəzi sənədlərinin ona verilmədiyini deyir. Bu barədə İsmayılov anews.az-a şikayət edərək bildirib.
O bildirir ki, anadangəlmə ikinci qrup əlil olub, müharibənin çətin dövrləri olduğuna görə əlil də olsa, müharibəyə gedib. İsmayılov deyir ki, o, Daxili Qoşunlarda, Polis Alayında Əməliyyat və Xüsusi Təyinatlılar dəstəsində olub.
"Mənə hərbi hüququmla bağlı bəzi sənədlər, işlərim, iştirak etdiyim yerlərə dair arxiv sənədləri lazımdır. O sənədlərin isə arxivdə tapılmadığı deyilir. Sabiq Daxili İşlər naziri Ramil Usubovun dövründə işimin həll olunması üçün məndən rüşvət istədilər. Hazırda kirayədə qalıram. Qazi olaraq ev, maşın ala bilməyim, xidmətlərimin qarşılığında sığortalı işlə təmin olunmağım üçün arxivdə tapılmayan o sənədlərə ehtiyacım var”, - o deyib.
O deyir, Hərbi Prokurorluq, Hərbi Məhkəmə məsələ ilə bağlı ondan dəfələrlə izahat alıblar, amma nəticəsi olmayıb.
Qamət İsmayılov bildirir ki, onun hərbi hüququnun həlli üçün Daxili İşlər Nazirliyinin Daxili Qoşunları ona əlil olduğu halda könüllü xidmətə getdiyi dövrdə yazılmış aldığı xəsarətlərlə bağlı tibbi arayışlar, şəhadətnamə, qərar kimi sənədlər verməlidir.
Daxili İşlər Nazirliyi məsələ ilə bağlı açıqlamasında bildirib ki, Qamət İsmayılovun müharibə, sərhəd və döyüş zonasında hər hansı xəsarət alması ilə bağlı Hospitalda qeydiyyatda olması ilə bağlı heç bir məlumat yoxdur. Bu o deməkdir ki, şəxs həmin zamanlarda qeydiyyat üçün müraciət etməyib.
Lida Abbaslı
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
