Qatarların sürət həddi hava şəraitinə uyğun tənzimlənir

Hazırda müşahidə olunan qeyri-sabit hava şəraiti ilə əlaqədar "Azərbaycan Dəmir Yolları” QSC (ADY) hərəkətin təhlükəsizliyini təmin etmək məqsədilə gücləndirilmiş iş rejimində fəaliyyət göstərir.
 
QSC-dən  verilən məlumata görə, həmçinin qatarların sürət həddi küləkli hava şəraitinə uyğun olaraq tənzimlənir.
 
"Sərnişinlərdən də öz növbəsində platformalarda hərəkət zamanı ehtiyatlı olmaları və dəmir yolu xətlərini keçən zaman müvafiq keçidlərdən istifadə etmələri xahiş olunur”, - məlumatda qeyd olunub.

www.anews.az