D18 hərəkatının iki üzvü saxlanılıb
20.02.2023 17:04
İctimai fəal Bəxtiyar Hacıyevə azadlıq tələb etdiklərinə görə, Nemət Abbasov, Nərmin Şahmarzadə, Samir Sultanov, Afiaddin Məmmədov və Əli Məlikov Daxili İşlər Nazirliyi tərəfindən saxlanılıb. Bu barədə Hüquq Müdafiəçisi Rüfət Səfərov facebook hesabında yazıb.
Məsələ ilə bağlı DİN-in Mətbuat Xidmətinin KİV və ictimaiyyətlə əlaqələr şöbəsinin rəisi Elşad Hacıyev anews.az-a açıqlamasında bildirib ki, adı çəkilən şəxslərdən yalnız Afiaddin Məmmədov və Samir Sultanov saxlanılıb. Hazırda araşdırılma aparılır.
Bu gün Bəxtiyar Hacıyevin ev dustaqlığına buraxılmasını ilə bağlı vəsatəti Bakı Apellyasiya Məhkəməsi təmin etməyib. Bu barədə onun vəkili Aqil Lahıc facebook hesabında bildirib.
Bəxtiyar Hacıyev artıq 44 gündür ki, aclıq aksiyası keçirir.
Afiaddin Məmmədov "D18 – Demokratiya 1918 Hərəkatı”nın İdarə Heyətinin üzvüdür.
Afiaddin Məmmədov 2022-ci ilin noyabrın 11-də inzibati qaydada həbs olunub. Məhkəmənin qərarı ilə ona 30 sutka müddətinə inzibati qaydada həbs cəzası verilmişdi.
Aytac Zeynalova
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Cəmiyyət 14:19
Nazir müavini vahid geyim qaydalarının özəl məktəblərə şamil olunması məsələsinə münasibət bildirib
Foto
Video
