Bakıda güclü külək beşmərtəbəli binanın dam örtüyünü qopardı

Bakıda güclü külək beşmərtəbəli yaşayış binasının dam örtüyünü qoparıb. 

Fövqəladə Hallar Nazirliyindən ANS PRESS-ə verilən məlumata görə, Bakı şəhəri, Nəsimi rayonunda güclü küləyin əsməsi nəticəsində beşmərtəbəli yaşayış binasının dam örtüyünün bir hissəsi qoparaq, binanın sakinlərinə təhlükə yaradıb.

Dərhal Nazirliyin müvafiq xilasetmə qüvvələri hadisə yerinə cəlb olunub. Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə yaranmış təhlükəni aradan qaldırıblar.

ANS PRESS