Azərbaycanlıya Almaniyada ömürlük həbs verildi

Almaniyanın Detmol Şəhər Məhkəməsi adam öldürməkdə təqsirləndirilən azərbaycanlı Elçin Ağayevlə bağlı yekun qərarını verib.

"Report"un xəbərinə görə, Elçin Ağayev məhkəmənin hökmü ilə ömürlük həbs cəzasına məhkum edilib.

Yekun qərardan əvvəl son dəfə Elçin Ağayevin birlikdə yaşadığı Ukrayna vətəndaşı Olqa adlı qadın "Skype” vasitəsi ilə məhkəmə prosesinə qoşulub.

Qətl hadisəsi ötən il iyunun 18-də Almaniyanın Şimali Reyn-Vestfaliya əyalətinin Kalettal şəhərində baş verib.

Belə ki, azərbaycanlı Elçin Ağayev 39 yaşlı Andrey Rintelneri qısqanclıq zəminində balta ilə qətlə yetirməkdə şübhəli bilinir. Daha sonra o, Almaniya-Polşa sərhədinə yaxın qəsəbədə polisin keçirdiyi xüsusi əməliyyat zamanı saxlanılıb.