Bakıya ilk dəfə elektriklə çalışan avtobus gətirildi

 

Vüsal Kərimli bildirilib ki, avtobus 33 sərnişin tutumuna malikdir. 

"Çinin BYD şirkətindən test məqsədilə alınan 1 ədəd elektrik avtobusu 12 metrlikdir. 33 sərnişin oturacağına malik avtobusun ümumi sərnişin tutumu 82 nəfərdir. Batareya gücü 383 kVt/saat olan avtobus tam enerji dolumunda 350 km məsafə qət edə bilir. Nəqliyyat vasitəsi müasir sərnişindaşıma tələblərinə tam cavab verir", - BNA sədri yazıb. 

 

Vüsal Kərimli qeyd edib ki, avtobus test müddətində uğurlu nəticə verərsə, bunun tətbiqi ilə bağlı hökumətə təkliflər hazırlanıb veriləcək.