Bakıda Kənddən Şəhərə həftəsonu yarmarkası keçiriləcək
30.06.2023 16:15
Kənd Təsərrüfatı Nazirliyi 1-2 iyul tarixlərində paytaxtda "Kənddən Şəhərə” həftəsonu yarmarkası təşkil edəcək.
Bu barədə Kənd Təsərrüfatı Nazirliyi məlumat yayıb.
Yarmarkanın təşkil olunmasında əsas məqsəd yerli fermerlər üçün alternativ satış kanalı yaratmaq, eyni zamanda şəhər sakinlərini təbii, yerli və sağlam kənd məhsulları ilə dolğun şəkildə təmin etməkdir. Nərimanov rayonu, Fətəli xan Xoyski küçəsi, 5 ("Gənclik” metro stansiyasının yanı) ünvanında keçiriləcək yarmarkada müxtəlif regionlardan dəvət olunan fermerlər yerli kənd təsərrüfatı və qida məhsullarını satışa çıxaracaqlar.
"Kənddən Şəhərə” yarmarkası fermerlər üçün tamamilə ödənişsiz şəkildə təşkil olunur. Fermerlər piştaxta, tərəzi, soyuducu və digər lazımi ləvazimat və avadanlıqlarla ödənişsiz şəkildə təmin olunurlar. Həmçinin məhsullarının daşınmasında çətinlik çəkən fermerlərə loqistik dəstək göstərilərək məhsulları təsərrüfatlarından birbaşa yarmarka keçirilən ünvana qədər daşınır.
www.anews.az
Telegram
Bizi Teleqramda izləyin
Foto
Video
