"Elektron sistemlər də məmurlarla bərabər istirahət edir" - VƏKİL

Geridə qalan 9 günlük qeyri-iş günü müddətində "Elektron Məhkəmə Sistemi” də işləməyib. Ədliyyə Nazirliyinin sistemi baxımsız qoyması səbəbindən ərizə və şikayətlərə də baxılmayıb. Bu sözləri ekspert Əkrəm Həsənov öz sosial media hesabında paylaşıb.
 
Ekspert bildirir ki, Ədliyyə Nazirliyində bu işə nəzarət edən şəxslər bayram günlərində işləməyiblər və bu hal dəfələrlə olub.
 
IKT üzrə ekspert Elvin Abbasov bildirir ki, elektron sistem işləmədiyi halda vətəndaşlar sistemə fiziki olaraqda müraciət edə bilərlər.
 
"Ümumiyyətlə elektronlaşma, rəqəmsallaşma o deməkdir ki, sistem 24 saat işlək vəziyyətdə olmalıdır. Elektron məhkəmə də şəxs istənilən vaxt müraciət edə bilər, amma geri dönüş iş günündə araşdırılıb, daha sonra göndərilməlidir. Elektron sistemlər Azərbaycanda tam formalaşmayıb və sistemdə bəzi nasazlıqlar ola bilər. Hal-hazırda ölkəmizdə elektron sistemləri tək seçim deyil, eyni anda sistemə fiziki şəkildə və yaxud gmail  adresi vasitəsi ilə də göndərilə bilər. Ona görə də arqument olaraq deyə bilmərik ki, elektron sistemlərin işləmir”, - ekspert vurğulayıb.   
www.anews.az