Deputat dərmanların qıtlığına etirazını bildirib

Azərbaycanda dərmanların qiyməti və kefiyyəti ilə bağlı problemlər hələ də həllini tapmır. Bunu deputat Vahid Əhmədov deyib. 

"Hazırda dərmanların sertfikasiya məsələsi problem olaraq qalır. Dərmanlar aylarla sertfikaşdırılmır. Nəticədə bəzi dərmanların zəmanət vaxtı da bitir. Dünya sistemində elə dərmanlar var ki, onların sertfikasiya prosesinə cəlb olunmasına ehtiyac yoxdur”, - deputat iyulun 6-da Milli Məclisin növbədənkənar iclasında çıxışı zamanı bildirib.

Deputat dərmanların qıtlığına etirazını bildirib. 

"Nə üçün dərman qıtlığı yaranır? Bunun problemi nədir? Elə olur ki, adi baş ağrısı dərmanını apteklərdə tapmaq olmur. Dərmanların kefiyyəti də problemdir. Alman aptekdə satılan dərmanla adi aptekdə satılan dərmanın kefiyyətində fərq var. Əgər bu dərmanlar laborotoriyada yoxlanılırsa bu kefiyyətsizlik hardan qaynaqlanır?”, - deputat vurğulayıb. 

Vahid Əhmədov hökumətin dərmanların qiyməti ilə bağlı layihənin hələ də onlara niyə təqdim olunmaması ilə bağlı müraciət edib. 

"Niyə o layihə bizə təqdim olunmur? Necə dəfə demişik,amma nəticə yoxdur. Təklif edirik ki, dərmanların idxalı gömrük rüsumlarından azad olunsun. Gürcüstan pratikası buna bir nüumunədir. Gürcüstanın Türkiyə ilə bağlı uğurlu bir müqaviləsi də var. Biz də həmin pratikadan istifadə edə bilərik”, - Əhmədov deyib. 

Səhiyyə Komitəsinin sədri Əhliman Əmiraslanov bildirib ki, nə qədər ki, ölkədə dərman istehsal olunmur dərmanların idxalı zamanı bu cür problemlər qalacaq. Deputat bildirib ki, artıq dünyanın 4 əsas dərman şirkəti Ələq İqtisadi Zonasında dərman istehsalına başlayacaq. 

Səhiyyə nazirinin müavini Rasim İsmayılov Vahid Əhmədova cavab olaraq bildirib ki, dərmanların qıtlığının bir çox qlobal səbəbləri var.

www.anews.az