Minaların axtarışına daha 6 it cəlb olunub

 

Xüsusi hazırlıqlar keçmiş itlər yaxın zamanda minaların axtarışına cəlb olunacaq. 

 

Avqustun 4-də Azərbaycanın BMT-dəki daimi nümayəndəsi Yaşar Əliyev Ermənistandan minalanmış ərazilərin xəritəsini dərhal verməklə bağlı tələb irəli sürüb.

 Yaşar Əliyev bildirib ki, Azərbaycan ərazisinə 1,5 milyondan çox mina yerləşdirilib və Ermənistan bununla bağlı doğru məlumatları hələ də vermir. 
 
Azərbaycan Respublikasının Minatəmizləmə Agentliyinin (ANAMA) son məlumatlarına görə, iyulda Qarabağda 190 piyada əlehinə, Tərtər, Ağdam, Laçın, Füzuli, Şuşa, Kəlbəcər, Qubadlı, Xocavənd, Cəbrayıl və Zəngilanda 238 tank əleyhinə mina, 525 Partlamamış Hərbi Sursat (PHS) aşkarlanıb.
 
Bundan əvvəl, Azərbaycanın xarici işlər naziri Ceyhun Bayramov jurnalistlərə açıqlamasında bildirib ki, Ermənistanın minalarla bağlı təqdim etdiyi xəritənin reallıq faizi 25%-dir və bu çox aşağı göstəricidir. 
 
İyulun 13-də Azərbaycan Prezidentin Qarabağdakı xüsusi nümayəndəsi Emin Hüseynov mətbuata açıqlamasında bildirib ki, azad olmuş ərazilərdə 42,635 hektar ərazi minadan təmizlənib. 
 
Son 30 ildə Azərbaycanda təxminən 3 350 nəfər minaya düşüb. 

2020-ci ilin noyabrından Azərbaycan ərazisindən 81 min 386 hektar ərazi minalardan təmizlənib. 

2023-cü ilin dörd ayında işğaldan azad olunmuş ərazilərdə Azərbaycan Minatəmizləmə Agentliyinin (ANAMA) tərəfindən 3 878 ədəd mina və partlamamış hərbi sursat aşkarlanıb.
 
Bu ilin martın 17-də baş nazir Əli Əsədov Milli Məclisdə hökumətin hesabatında çıxışında bildirib ki, hazırda Qarabağda minaların təmizlənməsinə 4 özəl şirkət də cəlb olunub. Bundan əlavə, ANAMA ilə birgə Müdafiə Nazirliyi, Fövqəladə Hallar Nazirliyi, Dövlət Sərhəd Xidməti də ərazilərin təmizlənməsində iştirak edir.
 
Gülnar Nazimqızı