Nazim Bəydəmirli 40 gündən sonra ailəsi ilə görüşüb

Sabiq deputat, iqtisadçı, iş adamı Nazim Bəydəmirlinin həyat yoldaşı Fəridə Bəydəmirli 40 gündən sonra avqustun 24-də Bakı İstintaq Təcridxanasında onunla görüşüb.

"Şüşə arxasında 20 dəqiqə söhbətləşdik. Nazim gümrah görünürdü, saxlanma şəraitindən şikayəti olmadı, dediyinə görə, tibbi müayinədən keçib, gərəkli dərmanlarla təmin olunub”, Fəridə Bəydəmirli əlavə edib.

Nazim Bəydəmirli iyulun 4-də Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi tərəfindən saxlanılıb. O hədə-qorxu ilə xeyli miqdarda əmlak tələb etmədə ittiham olunur. 

İyulun 5-də Nərimanov Rayon Məhkəməsi istintaq orqanının təqdimatına baxaraq Nazim Bəydəmirli barəsində 4 aylıq həbs qətimkan tədbiri seçib.


www.anews.az