Bazarstore saytını yenilədi

Minlərlə çeşiddə məhsulun olduğu sayt bir çox üstünlükləri ilə müştərilərin ürəyincə olacaq.

 

Belə ki, saytda qeydiyyatdan keçməklə marketlərimizdə olan bütün kampaniya və endirimlərdən yararlana bilərsiniz. Burada həmçinin yalnız sayta özəl xüsusi fürsətlər də var.

 

Yeniliklərdən biri də odur ki, siz təyinat nöqtənizi seçə və sizə ən yaxın mağazadan çatdırılmanı təmin edə bilərsiniz. Və ən əsası siz irəli tarix üçün sifarişlərinizi planlaya bilərsiniz. Sifarişiniz məhz irəli tarixdə seçdiyiniz gün və saatda ünvanınıza çatdırılacaq.

Məlumat bölməsindən "Sifariş İzləmə”ni seçərək onlayn sifariş zamanı bağlamanızın harada olduğunu izləmək imkanınız olacaq. Endirim və yeniliklərdən dərhal xəbərdar olmaq üçün E- poçt, whatsapp və veb bildiriş sisteminə daxil olmağınız yetərlidir. Rahatlıqla hər hansı sualınızı vermək, təklif və ya iradlarınızı bildirmək istəsəniz Onlayn Chat köməyinizə çatacaqdır. Qeyd edək ki, dil seçimi edərək dörd fərqli dildə saytımızdan istifadə edə bilərsiniz. Burada həmçinin mağazalar bölməsinə daxil olaraq ünvanlarla tanış ola, "Karyera” bölməsini seçərək "İşə Müraciət Anketi” yarada bilərsiniz. Eyni zamanda bloq yazılarımızı oxuya, müxtəlif mövzular haqqında ipucları əldə edə və ya yemək reseptləri ilə tanış ola bilərsiniz.

Qeyd edək ki, 2011-ci ildə "Azərsun Holdinq”in tərkibində yaradılan "Bazarstore” davamlı olaraq təzəlik, keyfiyyət, münasib qiymət, çeşidlilik və xidmətindən güzəştə getməyərək 88 mağazası və 4000-ə yaxın çalışanı ilə xidmət göstərir.

Bazarstore. PR və Marketinq Departamenti, *1900, www.bazarstore.az, +99412 404 19 70-75 (dax: 4009)