Direktorun səhvinə görə əmək fəaliyyətimə xitam verilib - İbtidai sinif müəllimi/Açıqlama

 

yaşınız 60-dan çox yaşınız olduğunuz üçün imtahanda könüllü iştirak etmək hüququndan istifadə edə bilərsiniz. Mən də yaxınlaşıb ərizə yazdım, imtahandan imtina etdim. İndi isə mənim əmək fəaliyyətimə xitam verilib. Direktor da belə bir təklif etdiyini etiraf edir", - Nailə Həsənova deyib.  

 

Həsənova deyir ki, 60 yaşı tamam olduğu üçün iyulda ərizə yazıb. Ona bildiriblər ki, bundan sonra sizə gələn mesajlar şablon xarakteri daşıyacaq. İmtahanda iştirakınız könüllülük xarakter daşıyır. 

 

Məsələ ilə bağlı Gəncə-Daşkəsən Şəhər Təhsil İdaərsindən bildirilib ki, həmin müəllimlərin imtahana cəlb olunması ilə bağlı məlumat onların şəxsi kabinetlərinə göndərilib. 

 

"Goranboy rayon Düzqışlaq kənd tam orta məktəbin ibtidai sinif müəllimi Nailə Həsənovanın sertifikasiya prosesində iştirakı ilə bağlı məlumat onun şəxsi səhifəsinə göndərilib. Müraciətdə qeyd olunan digər məsələlər araşdırılır.", - açıqlamada qeyd olunub. 

 

Nailə Həsənovanın problemi ilə bağlı Düzqışlaq kəndinin tam orta məktəbinin direktoru Elvin Zeynalovla əlaqə saxladıq. Direktor yaranmış vəziyyəti müəllimin şəxsi kabientini izləmədiyi üçün baş verdiyini izah edir. 

 

"Müəllimənin işinə baxılıb. Regional Təhsil İdarəsinə müraciət etdik, məlum oldu ki, müəllim öz şəxsi kabinetini izləməyib. Orada könüllu olub, olmadığını qeyd olunub. Hər bir müəllim şəxsi kabinetini izləməlidir. Nailə xanım izləməyib. Bu səbəbdən imtahanda iştirak etməyib. Buna görə də müəllimə nazirlik tərəfindən xitam verilib. Əlimizdən bir şey gəlmir",- məktəb direktoru bildirib.

 

Dövlət ümumi təhsil müəssisələrində (ümumi təhsil üzrə təhsilverənlərə münasibətdə digər dövlət təhsil müəssisələrində) 60 və daha yuxarı yaşda olan şəxslərin sertifikatlaşdırmada iştirakı könüllü olacaq. Bu, Milli Məclisin Elm və təhsil komitəsinin iclasında müzakirəyə çıxarılan "Təhsil haqqında” qanuna təklif edilən dəyişiklikdə öz əksini tapıb.

 

Elm və Təhsil Nazirliyinin ibtidai sinif müəllmləri üçün nəzərdə tutulan sertfikasiya imtahanında ikinci dəfə iştirak edib keçid balını toplaya bilməyən 743 müəllimin əmək müqaviləsinə xitam verilib. 

 

Bildirilib ki, ötən il imtahandan keçə bilməyən 606 müəllim ikinci dəfə imtahanda iştirak etsə də minumum keçid balını toplamayıb, 137 nəfər isə imtahaa gəlməyib. 

Ümumilikdə sertifikatlaşdırmanın test imtahanı mərhələsinə 28 000-dən çox təhsilverən dəvət olunub.
 
İmtahanda minumum bal 50, maksimum bal isə 60 bal nəzərdə tutulub.