“Ümid” Partiyası qeydə alınıb
05.09.2023 12:53
"Ümid” Partiyası Ədliyyə Nazirliyi tərəfindən qeydiyyata alınıb. Bunu "Qafqazinfo”-ya partiyanın sədri İqbal Ağazadə təsdiqləyib.
Ötən gün daha 3 partiyanın - Ağ Partiya, Vətəndaş Həmrəyliyi Partiyası (VHP) və Haqq və Ədalət Partiyasının tələb olunan 5 min üzvlük reyestr tələbinə cavab verdikləri üçün qeydiyyatları təsdiqlənib.
Partiyalar haqqındaki yeni qanuna əsasən 2023-cü ilin mart-iyulunda 31 partiya öz fəaliyyətinə xitam verib. 26 partiya isə reysterə daxil edilib.
Prezident İlham Əliyev 2023-cü ilin yanvarın 11-də "Siyasi Partiyalar haqqında" qanunu təsdiqləyib.
2022-ci il dekabrın 16-da Milli Məclisdə "Siyasi partiyalar haqqında" yeni qanun layihəsi ümumilikdə 100 dəyişilklik edilməklə III oxunuşda qəbul olunub.
Layihə 6 fəsil, 30 maddədən ibarətdir.
Layihə Venesiya Komissiyasının 233 tövsiyəsindən seçki prosesi ilə bağlı olmayan və sırf siyasi partiyanın statusuna və fəaliyyətinə aid 132 tövsiyəsindən 112-si nəzərə alınıb.
"Siyasi partiyalar haqqında" layihə ən son 1992-ci ildə qəbul olunmuşdu.
Aytac Zeynalova
www.anews.az
Instagram
Bizi Instagramda izləyin
Foto
Video
