8 Martda İçərişəhərdə aksiya olacaq

8 Mart - Beynəlxalq Qadınlar Günü İçərişəhərdə xüsusi təmtaraqla qeyd olunacaq."İçərişəhər" Dövlət Tarix Memarlıq Qoruğu İdarəsindən Trend-ə verilən məlumata görə, martın 8-də İçərişəhərdə "Hər xanım-bir gül" adlı aksiya keçiriləcək. Ənənəvi olaraq, 2011-ci ildən həyata keçirilən aksiyanın əsas məqsədi həmin gün İçəri Şəhərin qonağı olan hər bir xanımın bayram sevincini artırmaqdır. 8 mart günü Qoşa Qala qapısı meydanından girişdə skripkaçı və 2 pantomima aktyoru tərəfindən İçəri Şəhər ərazisinə daxil olan xanımlara skripka musiqisinin müşayiəti ilə bir qızılgül təqdim ediləcək.Tədbirin saat 10:00-dan etibarən başlayıb 11:00-dək davam edəcəyi nəzərdə tutulub.ANN.Az