TƏBİB 4 yaşlı uşağın qızılcadan öldüyünü təsdiq edib - Yenilənib

"Kürdəmir Rayonu Qağacılı kənd sakini 14.10.2019-cu il təvəllüdlü Qəribli Rüfət Roman oğlu oktyabr-noyabr aylarında müxtəlif şikayətlərlə Kürdəmir Rayon Mərkəzi Xəstəxanasının Yoluxucu xəstəliklər şöbəsinə müraciət edərək müvafiq müayinələrdən keçirilib, tibbi xidmət alıb. Oktyabrın 18-də yuxarı tənəffüs yollarının dəqiqləşdirilməmiş kəskin infeksiyası diaqnozu ilə Yoluxucu xəstəliklər şöbəsinin həkim infeksionistinin qəbulunda olub, müayinələrdən keçib və fəsadlaşma olmadığı üçün simptomatik müalicə təyin edilərək  3 gün sonra təkrar müayinəyə  dəvət olunub. Oktyabrın 21-də ağırlaşması olmayan qızılca diaqnozu ilə təkrar müraciət edib,  həkim məsləhəti alıb. Oktyabrın 23-də saat 09:10-da xəstəxananın Təcili tibbi yardım şöbəsinə gətirilib və xəstəxanayaqədər  ölüm təyin edilib.Meyit patoloji anatomik təşrihə verilib.Anamnezində qızılcaya qarşı peyvənd olunmadığı qeyd olunub", - məlumatda deyilir. 
 

 

 

Bildirilib ki, bir həftəyə yaxındır qızılcaya yoluxan və qızdırması düşməyən, rayonun Qağacılı kənd sakini, dörd yaşlı Rüfət Roman oğlu Qəribli xəstəxanaya gətirilərkən ölüb. 

 

Baş Prokurorluq bununla bağlı hər hansı açıqlama yaymayıb. 

 

ÜST-ün son hesabatına görə, 2022-ci dünyada qızılca xəstəliyindən ölənlərin sayı 136 minə çatıb ki, bu da 2021-ci illə müqayisədə 43% çoxdur. 

 

Oktyabrın 17-də Səhiyyə Nazirliyi 2014-cü ildən bu yana Azərbaycanda qızılca və məxmərək infeksiyalarına yerli yoluxma halları baş vermədiyinə görə ÜST-ün infeksiyaların ləğv edildiyi ölkələr siyahısına daxil edildiyini qeyd edib.
 
Səhiyyə Nazirliyinin sentyabrda açıqladığı məlumatda ölkədə qızılcaya yoluxanların sayı 24 olduğu açıqlanıb. 

 

Gülnar