Bu il “Azəriqaz”a müraciət edənlərin sayı açıqlanıb

2023-cü ilin on ayında Azərbaycan Dövlət Neft Şirkətinin (SOCAR) "Azəriqaz” İstehsalat Birliyinə müxtəlif instansiyalardan və birbaşa vətəndaşlardan ümumilikdə 9 831 müraciət daxil olub.  Bu da ötən ilin 10 ayı ilə müqayisədə 783 müraciət azdır. Bunu "Azəriqaz”ın Şikayətlərin araşdırılması şöbəsinin rəisi İbrahim Kərbalayev media və QHT nümayəndələri üçün keçirilən "Açıq qapı” aksiyasında bildirib.

O bildirib ki, bunlardan 4 420 müraciət "Opentext” elektron sənəd dövriyyəsi proqramı vasitəsilə daxil olub.

Kərbalayev bildirib ki, daha 5 411 müraciət elektron formada daxil olub.

2021-ci il oktyabrın 16-da Tarif (Qiymət) Şurasının iclasında təbii qaz üzrə topdansatış və pərakəndə satış qiymətlərinin tarif tənzimlənməsinə dair qərar qəbul edilib. Qərara əsasən, əhalinin illik istehlakının 1 200 kubmetrədək olan hissəsi üçün tariflər 10 qəpikdən 12 qəpiyə artırılıb. Əhali üçün 1 200-2 500 kubmetrə qədər və 2 500 kubmetrdən çox olan hissələr üçün tariflər müvafiq olaraq 20 və 25 qəpik saxlanılıb. Qeyri-əhali kateqoriyasından sənaye və kənd təsərrüfatı sektorları üzrə qazın tarifləri 20 qəpikdən 22 qəpiyə çatdırılıb.