Paşinyan: Bir şərt yerinə yetirilsə yaxında sülh imzalana bilər

Bir şərt yerinə yetirilərsə Ermənistan Azərbaycanla yaxın zamanda selh müqaviləsi imzalaya bilər. Bunu Ermənistanın baş naziri Nikol Paşinyan deyib.

"Əgər Azərbaycan prinsipləri təsdiq edərsə, o zaman yaxın gələcəkdə sülh sazişinin imzalanması çox realdır”, - Paşinyan dənizə çıxışı olmayan ölkələrin nazirlərinin görüşünün açılışında deyib.

Eyni zamanda, daha əvvəl Ermənistan səfiri Edmon Marukyan bildirib ki, sülh müqaviləsinin yekun layihəsi hələ hazırlanmayıb, ona görə də sənədi imzalanmaq üçün təqdim etmək mümkün deyil.

Sentyabrın 19-da Azərbaycanın Qarabağda antiterror əməliyyatından sonra reinteqrasiya ilə bağlı rəsmi sayt yaradılıb. Azərbaycan vətəndaşlığını qəbul etmək istəyənlər, eləcə də Qarabağa getmək istəynlər həmin saytda qeydiyyatdan keçə bilər. 
 
Sentyabrın 28-də Qarabağın qondarma "rəhbəri" Samvel Şahramanyan 2024-cü il yanvarın 1-dək separatçı rejimin ləğv olunmasını elan edib. Bildirib ki, Qarabağda qalmaq istəyən vətəndaşlar Azərbaycanın təklif etdiyi reinteqrasiya ilə bağlı təqdim olunan sənədlə tanış ola bilərlər. 

Hazırda sülh müqaviləsi üzərində danışıqlar gedir.

www.anews.az