Əziz Orucova əlavə ittiham verilib

"Kanal 13” "Youtube” kanalının təsisçisi Əziz Orucova əlavə ittiham elan olunub. Bu barədə Əziz Orucovun vəkili Bəhruz Bayramov məlumat verib.

Vəkil bildirib ki, Əziz Orucova Cinayət Məcəlləsinin 206.3.2-ci (qaçaqmalçılıq-qabaqcadan əlbir olan bir qrup şəxs tərəfindən törədildikdə) maddəsi ilə əlavə ittiham irəli sürülüb.

Əziz Orucov noyabrın 27-də saxlanılıb. Ona qarşı Cinayət Məcəlləsinin 188.2-ci (Qanunla müəyyən edilmiş mülkiyyət, istifadə və ya icarə hüququ olmadan torpaq sahəsi üzərində özbaşına tikinti) maddəsi ilə cinayət işinin açıldığı, onun şübhəli şəxs qismində saxlandığı bildirilib.