36 məktəbdə peşə təmaüllü siniflər təşkil olunur - BŞTİ

Belə ki, Bakıda 1, 10, 44, 64, 87, 88, 97, 117, 120, 123, 138, 142, 166, 172, 171,179, 181,185, 194, 208, 209, 213, 228, 234, 262, 265, 266, 274, 293, 301, 302, 306, 318, 321, 327 və 329 nömrəli təhsil müəssisələrində bu layihə təşkil olunur. 

 

Dekabrın 18-də elm və təhsil nazirinin müavini Həsən Həsənov " Peşə təmayüllü siniflərin hesabat görüşündə bildirib ki, hazırda Azərbaycanda 196 məktəbdə 4 min şagird peşə təmaüllü sinifdə oxuyur.

 

Nazir müavini vurğulayıb ki, 2026-ci ilin sonuna kimi peşə təmayüllü siniflərin fəaliyyətini 15%-ə qədər artırılacaq.

 

Bundan əvvəl bir necə deputat ölkədə peşə təhsilinin çox zəif inkişaf etməsi ilə bağlı fikirlər səsləndirib.

Noyabrın 28-də  Peşə Təhsili üzrə Dövlət Agentliyinin direktoru Ceyhun Kərəmov açıqlamasında söyləyib ki, 2026-ci ilə qədər Azərbaycanda 16 peşə məktəbi tikiləcək.

Həmin peşə məktəblərinin 8-nin Qarabağda tikilməsi nəzərdə tutulub. 

 

Gülnar Nazimqızı