12 yaşlı qızın nişanlanması faktı təsdiqlənib
29.12.2023 10:51
Sabirabadın Məmişli kəndində 12 yaşlı qızın 32 yaşlı kişi ilə nişanlanması faktı təsdiq olunub. Bu barədə Daxili İşlər Nazirliyindən bildirilib.
Bir neçə gün öncə Xəzərdə "Təsir Dairəsi" verlişində 12 yaşlı qızın özündən 20 yaşlı kişi ilə nişanlnaması görüntüləri müzakirəyə çıxarılıb. Belə ki, verlişin aparıcısı Lalə Azərtaj nişanan qızın evində olub və ailə üzvləri nişanlaması faktını təsdiq ediblər.
"Sabirabadın Məmişli kəndində 12 yaşlı qızın özündən 20 yaş böyük kişi ilə nişanlanması faktına görə hüquq-mühafizə orqanlarının əməkdaşları ailənin evində olub, ailə başçıları ilə danışıqlar aparıblar. Yetkinlik yaşına çatmayan qızın təhsilinə davam etməsi təmin edilib. Araşdırmalar zamanı qızın 12 yaşının olduğu məlum olub. Polis əməkdaşları yeniyetmənin valideynləri ilə izahedici söhbətlər aparıblar və qeyd olunan halın hüquqazidd olması onların diqqətinə çatdırılıb. Bundan əlavə, yeniyetmənin qanunvericiliyə uyğun olaraq təhsilinə davam etməsinə və dərsə davamiyyətinə mütəmadi olaraq nəzarət olunacaq”, - DİN-in açıqlamasında deyilir.
Məsələ ilə bağlı Ailə,Qadın, Uşaq Komitəsi də açıqlama verərək bildirib ki, ailə ilə müvafiq söhbətlər aparılıb və qızın evlənməməsinə dair ailədən yazılı izahat alınıb.
Bundan əvvəl Kürdəmirdə də 8-c sinif şagirdinin nişanlanması ilə bağlı məlumatlar yayılmışdı.
Azərbaycan Respublikası Ailə Məcəlləsinin 10-cu maddəsinə əsasən Azərbaycanda nikah yaşı 18 yaş müəyyən olunub. Yalnız üzürlü səbəblər olduqda, nikaha daxil olmaq istəyən və nikah yaşına çatmamış şəxslərin yaşadıqları ərazinin müvafiq icra hakimiyyəti orqanı onların xahişi ilə nikah yaşının 1 ildən çox olmayaraq azaldılmasına icazə verə bilər.
Gülnar Nazimqızı
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
