COP29-la bağlı dinləmə və müzakirələr keçirləcək - Komitə sədri

Fevralda Milli Məclisin Ekologiya və Təbii Sərvətlər Nazirliyi, Energetika Nazirliyi ilə birgə COP28-in nəticələri və Qlobal iqlim dəyişikliyinin Azərbaycana təsiri ilə bağlı müzakirələrin keçirilməsi nəzərdə tutulub. Bunu Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov deyib.
 
O bildirib ki, yaz sessiyası dövründə ölkənin su təsərrüfatının nailiyyətlər, problemlər və gözləntilərə dair dinləməsi keçirilməsi də planlaşdırılır.
 
Martda Ekologiya və Təbii Sərvətlər Nazirliyi, Energetika Nazirliyi, Azərbaycan Dövlət Su Ehtiyatları Agentliyinin birgə iştirakı ilə Qarabağ və Şərqi Zəngəzur iqtisadi rayonları ərazisinin ekoloji vəziyyətinə dair dəyirmi masa keçirilməsi gözlənilir.
 
Martda həmçinin Kənd Təsərrüfatı Nazirliyi, Ekologiya və Təbii Sərvətlər Nazirliyi ilə birgə aqrar sahədə emissiyaların idarə olunması problemlərinə dair müzakirələr keçiriləcək.
 
Apreldə Ekologiya və Təbii Sərvətlər Nazirliyi, Bakı Şəhər İcra Hakimiyyəti, DYP,  Rəqəmsal İnkişaf və Nəqliyyat Nazirliyi ilə bərabər COP29 çərçivəsində Bakıda atmosferə atıan tullantıların idarə edilməsinə dair dinləmə  olacaq.  

www.anews.az