Ailə məişət problemləri ilə bağlı xəbərlərin yazılışı zamanı qadağalara ehtiyac var - TƏKLİF

Ailə-məişət məsələləri, habelə şəxsi toxunulmazlıqla  bağlı bəzi mövzuların işıqlandırılması zamanı mətbuata müəyyən qadağalar qoyulmalıdır. Bunu deputat Könül Nurullayeva  Anews.az-a açıqlamasında bildirib.  

 

 

Ailə-məişət məsələləri ilə bağlı  mövzuların mediada işıqlandırılması zamanı müəyyət etik qaydalara riayət olunması məsələsi Milli Məcliisn  Ailə , qadın və uşaq komitəsinin bu günkü toplantsında da müzakirə mövzusu olub. 

Komitə sədri Hicran Hüseynova bildirib ki, ailə məişət zəmininda baş verən hadisələrlə bağlı  materiallar yazarkən anonimliyə riayət edilməlidir. 

"Kanalların çoxu özəldir. Amma bu cür halların olması yaxşı hal deyil. Biz İnsan Hüquqları komitəsi ilə birgə mətbuat işçiləri ilə  bu istiqamətdə görüş keçirə bilərik”, - Hüseynova vurğulayıb.

Media eksperti, hüqüqşünas Ələsgər Məmmədlinin fikrincə,  istənilən şəxsi qəsdən döymək, yaralamaq, işgəncə vermək kimi faktlar ictimai əhəmiyyət daşıdığı üçün şəxsi həyat sirri sayılmır.

 

"Qanunvericilikdə iki önəmli məqam var ki, bu jurnalistikada pozulur. Birincisi 18 yaşından aşağı şəxsin  zərər gördü və zərər verdi deyib şəxsiyyətini açıqlamaq olmaz. Onun mətbuatda adını şəklini göstərmək olmaz. Zərərçəkən şəxsin yaşı 20-30 olarsa belə yenə də onun haqqında şəxsi məlumatın paylaşılması qadağandır. Hadisənin gizlədilməsi yox, şəxsi məlumatları mediada açıq şəkildə olmaması vacibdir.  Bu cür hadiələr mətbuata çıxanda təbliğ olmur, əksinə qınaq olur. Sadəcə səbəb-nəticə bağı düzgün qurulmayıb. Hadisənin özünü gizlətmək və qorumaq bu anormallıqdır", - Məmmədli bildirib. 

 

O, əlavə qadağaların qoyulmasını lüzumsuz görür . Çünki bu məsələlər "Şəxsi toxunulmazlıq haqqında qanun" və Konstitusiyanın 32-ci maddəsi ilə təsbit olunur.