İki ayda 22 milyon manatdan çox narkotik maddə dövriyyədən çıxarılıb

2024-cü ilin yanvarında Azərbaycanda dəyəri 22 milyon 476 min AZN qiymətində narkotik dövriyyədən çıxarılıb. Bu barədə narkomanlığa və narkotik vasitələrin, psixotrop maddələrin və onların prekursorlarının qanunsuz dövriyyəsinə qarşı mübarizənin nəticələri Dövlət Komissiyasının daimi fəaliyyət göstərən İşçi Qrupu məlumat verib.

 

Bildirilir ki, 831 kiloqramdan çox narkotik vasitələrin və psixotrop maddələr dövriyyədən çıxarılıb.

Ötən ay hüquq mühafizə orqanları tərəfindən həyata keçirilmiş kompleks əməliyyat-axtarış tədbirləri nəticəsində ümumilikdə 1098 cinayət faktı aşkarlanıb. Onlardan 316-sı narkotik vasitələrin qanunsuz satışı, 782-si narkotik vasitələrin qanunsuz əldə edilib saxlanılması ilə bağlı olub.

Narkotik vasitələrin və psixotrop maddələrin qaçaqmalçılıq yolu ilə ölkə ərazisinə gətirilməsi ilə bağlı 29 fakt aşkar edilib. Həmin faktlar üzrə qanunsuz dövriyyədən ümumi çəkisi 422 kq 862,838 qr və 690 ədəd həb metadon müxtəlif növ narkotik vasitələr və psixotrop maddələr çıxarılılıb.

Aşkar edilmiş cinayətlərin 27-si qrup halında törədilib və həmin faktlar üzrə qanunsuz dövriyyədən çəkisi 187 kq 290,6 qr narkotik vasitə və psixotrop maddə müsadirə edilib.