Ötən il doğumların və abortların sayı artıb

2023-cü ildə 112 min 620 körpənin doğumu qeydə alınıb, bu da əvvəlki illə müqayisədə 8,3% çoxdur. Bu barədə "Azərbaycan Respublikasının Ailə, Qadın və Uşaq Problemləri üzrə Dövlət Komitəsinin 2023-cü il üzrə Məlumatı”nda qeyd olunub.
 
Bildirilib ki, onlardan 59 814-ü oğlan, 52 806-sı qızdır.
 
Cinslər arasındakı fərq 7008 nəfər olub, 2022-ci illə müqayisədə bu fərq azalıb. 
 
Cins nisbəti hər 100 qıza 113 oğlan təşkil edir. 
 
Ötən il abortların sayı 21,4% və ya 15 817 abort artaraq 73 816 olub. 15 - 49 yaşlı hər 1000 qadına düşən abortların sayı 27,9 olub.
 
"Dünyada ən aktual problemlərdən olan abortlara münasibət müxtəlifdir. Bir qrup insanlar buna ailənin öz şəxsi qərarı olaraq hörmətlə yanaşdıqlarını bildirirlər. Digər qisim insanlar abortun tibbi və psixoloji cəhətdən zərərli olduğunu bildirirlər. Ölkəmizdə də abortlar problem olaraq qalmaqdadır", - məlumatda qeyd olunub.
 
2023-cü ildə BMT-nin Əhali Fonun baş müşaviri Fərid Babayev deyib ki, Azərbaycan 2 ildir ardıcıl olaraq selektiv abortlara görə dünyada birinci yeri tutur.
 
Dövlət Statistika Komitəsinin 2022-ci il hesabatına görə, Azərbaycanda abort edənlərin sayı 57 999 olub. Bu rəqəm 2021-ci il  46 877 təşkil edib. Bu da 1 il ərzində abort edənlərin 11 112 artım olduğunu göstərir. 

Aygün 


www.anews.az