Erkən nikahların qalması Azərbaycan üçün başucaqlıq gətirmir- Adil Vəliyev

Afrikanın 50-dən çox ölkəsində erkən nikahlar qadağan edilə bilirsə, Azərbaycanda hələ də qalması ölkə üçün başucaqlıq gətirmir.  Bunu Milli Məclis Aparatının Sosial qanunvericilik şöbəsinin müdiri Adil Vəliyev deyib.

"Bu problem onilliklərdən qaynaqlanır. Əvvəllər qohum evlilikləri üçün təbliğat xarakterli mahnılar,musiqilər yazılırdı. Eyni problem Afrikada da olub. 12-13 yaşlı qızlar ərə verilirdi. Amma 1999-cu ildən Afrikanın 50 ölkəsində sənəd qəbul olunaraq bu birdəfəlik ləğv olundur. Erkən nikahlar həmin ölkələrdə tarixə qovuşdu. Afrikada ləğv oluna bilirsə, Azərbaycanda qalması bizə başucalıq gətirmir. Hesab edirəm ki, bu qanun Milli Məclisin VI çağırışında ən yadda qalan qanun olacaq”, - şöbə müdiri iyunun 20-də Milli Məclisdə Ailə, qadın və uşaq məsələləri komitəsi, Hüquq siyasəti və dövlət quruculuğu komitəsi  ilə  birlikdə  "Sağlam ailə modeli və nikah hüququ” mövzusunda ictimai dinləmədə çıxışı zamanı bildirib.


www.anews.az