Sabir Rüstəmxanlını seçkilərdə arvadı əvəzləyəcək

 

O bildirib ki, özü iştirak etməsə də partiyası seçkilərdə öz namizədləri ilə təmsil olunacaq. 

 

Bu dəfə keçirilən seçkilərdə deputatın həyat yoldaşı  Azərbaycan-Türkiyə Qadınlar Cəmiyyəti, Azərbaycan-Türkiyə Evinin sədri Tənzilə Rüstəmxanlı elə Sabir Rüstəmxanlının olduğu dairədən namizədliyini irəli sürəcəyini açıqlayıb. 

 

Tənzilə Rüstəmxanlının namizədliyi Neftçala 70 saylı seçki dairəsindən irəli sürüləcək.   

 

Azərbaycan parlamentinə növbədənkənar seçkilər 2024-cü il sentyabrın 1-də keçiriləcək. Azərbaycan Respublikasının Konstitusiyasına görə, bu seçkilər  cari ilin noyabrının birinci həftəsində baş tutmalı idi. Amma ölkənin COP-29-a ev sahibliyi etməsi səbəbindən seçkilərin tarixi dəyişdirilib.
 
Mərkəzi Seçki Komissiyasının açıqlamasına görə, indiyədək 20-dən çox siyasi partiya seçkilərdə iştirak üçün müraciət edib. Həmçinin 400-dən çox şəxsin seçkidə iştirakı təsdiqlənib. 
 
Milli Məclisin buraxılması və növbədənkənar seçkilərin keçirilməsi təşəbbüsü Milli Məclisin YAP-dan olan deputatlarından gəlib. 
 
Növbədənkənar parlament seçkilərində seçkiqabağı təşviqatın aparılmasına 9 avqustda başlanacaq, 31 avqust saat 8:00-da seçkiqabağı təşviqat dayandırılacaq.
 
Gülnar Nazimqızı