Müğənni Ağadaş Ağayevi 7 ilə qədər həbs gözləyir

Hadisənin baş verdiyi klinikanın mühafizəçisinə qarşı da oxşar ittiham irəli sürülüb.

İstintaqın məlumatına görə, xəsarətlərin ağırlığını müəyyən etmək üçün ekspertizalar təyin edilib. Hadisənin hər iki iştirakçısı təqsirləndirilən şəxs qismində cəlb edilib.

İyulun 22-də özəl klinikanın mühafizəçisi N.Cəlilov səhər saat 7-də Ağayevin ona balta atması, təhqir və hədələməsi barədə polisə şikayət edib.

Ağayevin atdığı balta klinikanın əməkdaşı N.Paşayevanın ayağına dəyib.

 221.3-cü maddə 3 ildən 7 ilədək azadlıqdan məhrum etmə cəzasını nəzərdə tutur.

Özünü silahlı xuliqandan müdafiə edən mühafizəçinin də niyə ittiham olunduğu məlum deyil.